هداوة

It’s my 10 year anniversary on Tumblr 🥳 💚

turki-m:

فكرة انه فات الوقت اللي تتكلم فيه و تعبر عن الاذي قدام اللي أذاك، و انه لو جربت و حسيت انك مش مسموع، احساس ان حد مكتفك و التكتيفة دي هتفضل معاك و هتتعايش معاها وهتخنقنا بين كل فترة و التانية، علشان كدا انا بحب اعبر سواء عن حب او وجع ف لحظتها، مبستناش، لان التجربة دي كل فترة بتنغص عليا حياتي.

miirnasworld:

المرض بيفرهدني، و لا هو حاجة كبيرة و بتنتهي و لا هو حاجة صغيرة و بتنتهي! هفضل ف الاوف سايد كدا لحد ما ربنا يحلها من عنده.

عيطت النهاردة كتير ف الشارع علشان مرة واحدة لقيتني لوحدي، ودي مش اول مرة، حسيت ان كل الحاجات اللي بنيتها من الناس ملهاش لازمة، قعدت ف الشارع اتفرج على الناس و على سرعة الأحداث و الناس و هي بتجري، بتجري ف الشارع و في الحياة، اتمنيت ساعتها مكنش موجودة على الأرض، اكون بتفرج من زمن تاني أو من مكان تاني.

الجملة دي دايما بترن ف ودني “صاحب الكل وحيد”.

“ولا تعلق قلبي بحب زائل، ولا صديق زائف، ولا سند لن أجده في محنتي” . أمين

hadawas-blog:

احنا كلنا تايهين.

(via hadawas-blog)

احنا بنتفاجأ اننا اتغيرنا ، مكنتش الشخص دا من كام شهر، مكنش الشخص اللي يحب يقعد لوحده و يسكت و بقا فعلا غير مهتم بتفاصيل كتير.

اتأقلم على هذه الحياه، اتأقلم عندما يغادر أحدهم، اتأقلم عندما تقرر امي ان هذا البيت أفضل، اتأقلم عندما يقرر صديقي الإبتعاد، اتأقلم عندما يقرر حبيبي الانسحاب، اتأقلم لاني ليس لدي خيرات،اتأقلم مع جروحي التي لا تُشفي،و الآن اكتشف انها ليست حياتي لا أتقبلها ولا أحبها و لكن احاول التأقلم على هذه الحياه.